أسولف بك مع أشواقي ونبض الشوق لك مشتاق
وأزين ليلي بصوتك وصوتك ملهم أشعاري
كتبت أسمك باأول كتابي وحبيتك من الأعماق
أشوفك ماخذ قلبي وكلك ماخذ أفكاري
باعبر لك عن أشواقي وأشوفك أصدق الأشواق
وأشوفك يابعد روحي حبيبي وأجمل أسراري
سكن حبك هوى فكري وبعدك شي ماينطاق
أنا دونك حبيبي شي ماله إسم أوطاري
بدت أيامي تتفاءل وعطر السعد لي يشتاق
معك أنسى هالدنيا وأنته جنتي وناري
عشانك أحرق همومي مثل ماتحترق الأوراق
عشانك أوقد شموعي تضوي دنيتي وداري
عسى ربي يسلمنا حبيبي من ألم الفراق
وإذا كانت محبتك شقا فهذي أقداري
وإذا ضاعت عناوينك حبيبي الشوق لك ينساق
ترى كلك عناويني ودروب الشوك أزهاري
حبيبي وحبي الأول تراني لشوفتك أشتاق
أبيع إللي بها الدنيا وأجي لك للوصل شاري
أحبك وأعشقك والله كثر ماقالوا العشاق
أحبك يابعد كلي حبيبي ومشغل أفكاري
أسولف بك مع أحلامي واسولف بك مع الأشواق
وأزين حرفي بحرفك وأحطك بأول أشعاري
كيف وانت حبي الاول والاخير ومشغل أفكاري يابعد عمري بعيش بذكراك واجمل ايامك
السبت مايو 31, 2008 9:36 pm
